REGISTRES DU BUREAU

[i546]

mandez, pour la povrelé des habitans; etaussi que ce n'est pas la coustume d'icelle ville d'estre taillée. Et afin que lad. ville ne tumbe en plus grands fraiz de voyages,' ceulx qui seront depputtez pour porter lesd, noms des exemps et faire les secondes remonstrances,

selon la responce et seconde jussion qui leur sera faicte, demanderont et obtiendront dud. seigneur les provisions neccessaires, telles qui seront preveues et advisées au Bureau de lad. Ville, avant que faire led. voyage, lequel se fera le plus tost qu'il sera possible.

LXXXIV [XXXIII]. — Ordonnance pour la rédition des Comptes des Quarteniers.

27 mars i546. (Fol. 38 v°.)

Du xxvu^e jour de Mars mil v^c xlv.

Aujourd'uy, oye la requeste verballement faicte par devant Mess" en l'Ostel de lad. Ville, après l'assemblée du Conseil tenu en icelle, par sires Jehan Basannier, Jehan Croquet et tous les autres Quarteniers d'icelle Ville, par laquelle ilz requeroient à mes-dictz s" que, suyvant la deliberacion du Conseil du unziesme jour de juillet v° xlv dernier'¹', par laquelle il feust ordonné, après que lesd. Quarteniers se acor-doient recevoir, chascun en son quartier, les cotiza-tions de leurs roolles faictz pour raison des six vingtz mil livres tournois ordonnez par le Roy estre levez cn lad. Ville, au moings ce que recevoir en pourroient, qu'ilz en rendroient compte du receu en l'Ostel de lad. Ville, et non ailleurs, suyvant lad. de-

liberacion; que, pour ce faire, ilz leur voulsissent ordonner et déléguer telz commissaires qu'ilz verraient estre à faire par raison, pour oyr, examiner et clorre leursd, comptes, qu'il leur voulloient presenter en l'Ostel de lad. Ville. Pour ce, en ayant esgard à icelle requeste et suyvant lad. deliberacion du Conseil du xi^m0 jour de Juillet v° xlv, ont ordonné que, dedans quinze jours prochains venans, lesd. Quarteniers presenteront leursdictz comptes pour raison desd, vi" m livres tournois, par devant Mess^rs maistres Denis Picot et Simon de Machault, Conseillers et auditeurs du Roy nostre sire en sa Chambre des Comptes, pour par eulx lesd, comptes oyz et examinez, estre cloz en noz presences, au Bureau de lad. Ville'²'.

LXXXV [XXXIV]. — Lettres pour recevoir le s^r de Morette, ambassadeur d'Angleterre^.

25 juin 1546. (Fol. 39 v°.)

Du xxv⁸ jour de Juing milv^cxLvi.

Aujourd'uy, au Bureau de la Ville de Paris est venu le seigneur de Morette, lequel a presenté une lettres missives du Roy, dont la teneur ensuit :

De par le Roy. Très chers et bien amez, nous envoyons presentement le seigneur de Morette à Paris, pour y recevoir l'ambassadeur que le Roy d'Angleterre envoyé par deça pour y tenir sur fons notre petite fille'⁴', luy ayant donné charge vous dire là dessus aucunes choses de nostre part; en quoy nous vous prions

vous employer et le croire, comme vous feriez nostre propre personne. Donné à l'abbaye de Barbeau'⁵', ce xxiin⁶ jour de Juing mil v^c xlvi.

Après lecture faicte desd, lettres, led. s^r de Morette a dit, pour sa creance, que le Roy l'avoit envoyé exprez par deçà pour advertir lad. Ville que led. seigneur voulloit et entendoit que les gouverneurs d'icelle Ville allassent honnorablement au devant dud. ambassadeur d'Angleterre, et quant il seroit arrivé en icelle Ville, on luy feist don et present autant ou plus que à aucuns autres ambassadeurs qu'il soit venu en France.

^(l) Voir ci-dessus le paragraphe LXXVIII.

(⁸) A la suite, une nouvelle lacune; le bas du fol. 38 v° et le recto du folio 39 sont demeurés en blanc.

(3) On remarquera l'erreur du secrétaire chargé de rédiger les titres en marge du Registre. Le s^r de Morette n'est point l'ambassadeur d'Angleterre, mais le gentilhomme chargé de représenter le roi de France pour recevoir l'envoyé d'Henri VIII.

⁽⁴) Élisabeth de France, fille du dauphin Henri et de Catherine de Médicis, née à Fontainebleau, le 2 avril précédent. Elle devint reine d'Espagne, le 22 juin i559, par son mariage avec Philippe II. La paix venait d'étre signée avec Henri VIII, roi d'Angleterre, le 7 j"-'--

⁽⁵⁾ Notre-Dame de Barbeaux, abbaye de Cisterciens, au diocèse de Sens, fondée, en 1147, P^ar -^e ^r0' Louis VII, qui y fut enterré. Barbeaux est aujourd'hui un hameau de la commune de Fontaine-le-Port, canton du Chàtelet-en-Brie, arrondissement de Melun (Seine-et-Marne).